CELLPHONE (MOBILE PHONE ) LE A KEIHNUOI

CELLPHONE (MOBILE PHONE ) LE A KEIHNUOI  

- Charly Tuolor

1. INRODUCTION

  Cellphone (Mobile phone) ei ti hlak hi khawvela thil hmusuok laia ṭangkai tak pawl ning atih.A ṭha zawng le a ṭangkai zawnga hmang chun khawvel dang hi a sukhnai sawta, beidawng lovin ami siema,harsatna tamtak asuk kieng pek thei,a ṭhanaw tienga hmang ve thung chun mi ang lova mi siemin mi nuizat bur in ami siem thei a, harsatna tamtak mimala,sungkuo ,kohran le khawtlanga, an thlun thei bawk.Chuleiin , thil ṭha le ṭangkai tak ani laiin hmang thiem le thiemnaw a an nghat tlat ani lein hmang thiem dan hi ei inchuktir pei a mamaw takzet el anih.

2. CELLPHONE HUNG PIENGSUOK DAN

Kum 1940 hma tieng khan Two-Ways -Radio(mobile Rigs) chu Taxi Police le Ambulance a hai an lo hmanga.Phone pangai angin mi dang number a Dial ve thei naw lein Cellphone annawle Mobile phone mani ti a ko a la ni nawh.Kum 1940 khan Motorola company chun Walkie-Talkie ahmu suoka, hi hi siembelsa in US Military chun Handie-Talkie a ṭangkai takin an hmanga.Kum 1947 Dec.thla a Engineer 2, Douglas H. Ring le W. Rae Young han Hexagonal Cells hmangin Mobile phone an siem ṭana, sienkhawm ansuk puitling naw a,Chuongchun hun hung fe peiin , Automatic Cellphone hmasatak (Mobile Telephone system A) chu  Ericson Company in Sweeden a kum 1956 khan an suk suoka hieng hun laia Cellphone hi KG 40 a rik anih.

        Ahnunga kum1965 akhan KG 9 a rik in an siem nawka, April 3,1973 a Motorola company chun Kut a chawi thei Cellphone chu mipui hmang thei dingin a siemsuok ta anih. A system ṭhat dan izirin hieng ang hin

1G (First Generation),

2G (Second Generation)

3G (Third Generation) ti anih.Tuhin hieng 3G/4G Cellphone chi hi a ṭha tak a ei nei chu ani.GPRS hi 2G anthawka sie ṭan ania,Cellphone hin hming chi hran hran alo nei ta a,

Cellular Mobile(1972)

Radio Telephone(1973-75)

Cellular Radio Telephone (1976-79)

Cellular Mobile Radio Telephone(1980-83)

Cellular(1984-1998), kum 1998 an thawk chun Cellular Phone, atawi zawngin Cellphone ti a ko ni ta anih

3. CELLPHONE ṬANGKAINA HAI

Khawlai hmun akhawm ei biek nuom hai ei biek thei, hi hi cellphone le Mobile phone ani na diktak khawm anih Mobile ti chu “awlsam taka insawn zung zung thei ti na ani.Hi hin Games an hnel theia, mp3 player hmangin hla ei ngaitlak theia, Note Book angin thil tamtak sinsie in ei sie ṭha thei bawk GPS System(Global Positioning System)um ani chun hieng Delhi,Bangalore,Culcutta City ahai chun ei fe na chin le ei fe na ding an hriet thei,GPRS fe tlengin Internet ditna hmun le dit hun hun a ei hmang(brawse) thei,Camerra hmang nuom tu hai chun thla lak theina ani bawk Bluetooth le Infrared umnaah chun(cellphone to ccellphone, cellphone to oher Devices), data awlsam takin ei transfer thei, SMS hmangin ṭawng ngai lovin thumal (word)  tlawmte hmangin mi ei biek thei bawk, FM Radio aum chun Radio khawm dittawkin ngaitlak thei ani bwk, Cellphone a Video Camerra a um chun Video ei lak thei a, video ei en thei bawk

4. CELLPHONE-HIN NATNA ṬIUM A SIEM THEI?

Tel Aviv University scientist-haiin Cellphone hmang rawn hin natna tium tumor (brain & salivary gland) a siem thei an tih. Dr. Ronald B. Herberman, Director of University of  Pittsburgh le Pittburgh Cancer Institute hai chun Cellphone hmang rawn hin Cancer a siem thei an ti bawk. UK-a Telegraph website chun naupangte hai ta din Cellphone hmang hi ṭium nawk zuol a, Cancer a siem inhma êm êm an tih. Brown University, Providence, Rhode Island-a mithiem hai le The British Association of Dermatologist hai chun Cellphone-a nickel um hin nakawr le bieng vela natna chikhat Allergy a siem thei an tih. Dr. Pacey, Honorary Secretary of the British Fertility Society chun Cellphone hmang rawn taluo ‘pasal hai chi a hrat nawh‘ (decrease men’s fertility) ti a hmusuok chu BBC NEWS-a October 6, 2006 khan puong anih. National Business Review Website-in a tarlang dan in Cellphone hmang rawn taluo hin ‘pasal tadin chi thla thei nawna hiel an thlun thei’ ati. A chunga tarlanga um hai khi an dik vawng kher alo ni ta khawmin Cellphone hi mihriem hriselna tadin a tium thuokhat a ni ti kha sukchiengtu-a inngai inla, Hmang rawn taluo lovin, a tul hunah chau hmang tum a thang atih. Mithiem-hai chun Cellphone hmanga mi ei biek hin direct-a hmang el lovin, Earphone (ear-piece) hmang in achunga natna tium-hai laka ei in veng him thei,an ti bawk. 

Continue.........